Ultratingulli ne mjekesine kosovare filloi te aplikohet kah fillim i viteve te shtatedhjeta. Aparatin e pare te ultratingullit ne Kliniken e Gjinekologjise dhe Obstetrikes e solli Dr.Sadetet Mekuli. Me vone ne kliniken infektive u instaluar ultrazeri i pare me te cilin filloi te punoje doc. dr. Sali Ahmeti.

Shoqata e Kosovës për Aplikimin e Ultratingullit në Mjekësi u themelua më 22 dhjetor të vitit 2001. Në fillim u krijua një grup mjekësh të cilët që prej kohësh përdornin ultratingullin në punën e tyre të përditshme si mjet diagnostik, por të pakenaqur me mosorganizimin e tyre vendosën të krijonin grupin inicues për krijimin e Shoqatës së Kosovës për Aplikimin e Ultratingullit në Mjekësi. Ky grup inicues përbëhej nga këta mjekë:

Dr.sci. Selami Sylejmani - Prizren

Doc.dr.sci. Cen Bytyçi - Prishtinë

Dr.med. Selman Muçaj - Prizren

Doc.dr.sci. Nexhmi Hyseni - Prishtinë

Dr.med. Musa Myftari - Mitrovicë

Dr.med. Gëzim Lipoveci - Gjakovë

Dr.med. Heroid Arifi - Ferizaj

Dr.med. Gëzim Guhelli - Prizren

Shoqata e Kosovës për Aplikimin e Ultratingullit në Mjekësi u themelua me 22 dhjetor të vitit 2001 në Prizren. Ishte ky një tubim i mjekëve Kosovarë të cilët që prej kohësh mirreshin me aplikimin e Ultratingullit në diagnostikën mjekësore por secili prej tyre në mënyre indivuduale dhe të pamvarur. Ishte ky shkaku i vërtetë i këtij tubimi ku u vendos që të themelohej një shoqatë si një institucion i cili do të tubonte rreth vetes të gjithë ata të cilët mirren me Ultratingull. Mledhjen e hapi Doc.dr.Nexhmi Hyseni, kirurg i fëmijëve dhe mësimdhënës në Fakultetin e Mjekesisë. Në vazhdim ja disa nga fjalët hyrëse të Dr.Nexhmiut:

Nderkohe që kaluan 2,5 vjet pas luftes, edhe përkundër faktit se jane krijuar kushte dhe rrethana tjera, Kosova ende nuk ka përfaqësim profesional, shkencor dhe intelektual në  shkallë  ndërkombëtare në fushën e ultrasonografisë në veçanti dhe në mjekësi në pergjithësi. Dhe ky eshte nje deshtim sepse ne në të kaluerën sikur mbërrinim  para dyerve të instucioneve relevante të shkencës mjekësore Europiane gjithmonë kur mbylleshin dyert e ketij përfaqesimi dhe natyrisht jo krejtësisht me fajin tone. Pafajsia jone nuk mund te arsyetohet se rrethanat nuk ishin te favorshme. Prandaj duke vepruar me kohën dhe në frymën e kohës ne nuk do te duhej që edhe metej të pranojmë vetem vlerat e standardizuara te mjekësisë Kosovare, sepse ato vlera do të duhej që sot të zëvendësohen me ide, vizione dhe koncepte te reja. Sekëndejmi Kosova ka mjek që me sukses plotësisht të përputhshëm me standardet dhe nivelet Europiane i përmbushin detyrat  që dalin para tyre. Ata me profesionalizem dhe përkushtim humano-profesional tanimë, janë të aftë, për t`u ballafaquar, me problemet më të vështira, në fushën e mjekësise klinike dhe në veçanti të diagnostikës Ultrasonografike.

Duke u mbeshtetur në këto fakte, doli iniciativa e formimit të këshillit nisëmtar për themelimin e SHKAUMK. Pjesa më e madhe e tyre dhe e të tjerëve që rastësisht s`janë rradhitur në këtë këshill, tashme kane krijuar emër dhe janë nisur me hapa të sigurt në ngritjën e vlerave profesionale shkencore në fushën e aplikimit të ultratingullit. Ata për të qenë të suskseshem dhe të terësishem sot janë bashkuar për t`u  vu në shërbim të shoqatës dhe mjekësisë Kosovare.

Salla e mbushur përplot kuptohet se pasqyron mesazhin thelbesor, se këta mjek nismëtar, nuk do të janë, asnjëherë të vetëmuar dhe se do ta kenë mbeshtetjën morale dhe profesionale të këtij kuvendi, me te vetmin përkushtim, që vlerat reale profesionale të të gjithë mjekëve të kordinohen me qëllimin e përbashkët - mbarvajtjen e suskseseve të përditshmërisë së punëve klinike dhe përfaqësimit kombëtar dhe ndërkomëtar në fushën e ultrasonografisë diagnostike dhe intervente.  Të shpresojmë të gjithë së bashku se këto synime në një  ardhme të afërtë do të behën realitet.

Pas këtyre fjalëve hyrëse tubimin është përshendetur nga të pranishmit dhe ka është aprovuar rendi i ditës. Është vazhduar me aprovimin e statutit të shoqatës pike për pike me ç'rast vërejtëjet në statur janë diskutuar dhe disa prej tyre janë aprovuar. Në rend të ditës tani ka pasuar zgjedhja e organeve të shoqatës ku më së pari janë zgjedhur organet zgjedhore dhe pastaj janë dhënë propozimet për anëtarë të Kryesisë e cila duhej të përmbahej prej 17 anëtarëve. Komisioni zgjedhor ky kryer me sukses dhe janë komunikuar emrat e anëtarëve të kryesisë. Në fund është zgjedhur edhe kryetari, të tre nënkryetarët, dy sekretarët dhe këshilli financiar. Për të gjitha këto lexon në faqen tjetër  Organet dhe Kryesia shoqatës.