"SHOQATA E KOSOVËS PËR APLIKIMIN E ULTRATINGULLIT NE MJEKËSI" në mbledhjen e saj konstituive, të mbajtur në Prizren më 22.12.2001, në bazë të Vendimit mbi themelimin e saj dhe Rregullores për themelimin e OJQ-ve të UNMIK Nr. 22/99 miratoi,

S T A T U T I N

Neni 1

Shoqata për Aplikimin e Ultratingullit në Mjekësi, është asociacion i pavarur i mjekëve të Kosovës i themeluar me vullnetin e tyre të lirë.

Neni 2

Shoqata përfshinë të gjithë mjekët e Kosoves, që merrën me aplikimin e ultratingullit në mjekësi, të cilët shprehin vullnetin, dhe kanë interes, pa marrë parasysh përkatësin e tyre kombëtare dhe fetare, me qëllim të kontribuojnë për ngritjen dhe përparimin profesional e shkencor në këtë lëmë.

Neni 3

Shoqata për Aplikimin e Ultratingullit në Mjekësi, ushtron veprimtarinë e vetë të pavarur. Ajo bashkëpunon me shoqata dhe institucione shoqërore, shkencore, ekonomike dhe asociacione të tjera të Kosovës dhe jashtë saj. Ajo anëtarësohet në asociacione të ngjashme në Kosovë dhe jashtë vendit.

Neni 4

Emërtimi i shoqatës është "SHOQATA E KOSOVËS PËR APLIKIMIN E ULTRATINGULLIT NË MJEKËSI" (SHKAUM)

Kosova Association for Ultrasound Aplication in Medicine" Shoqata ka cilësinë e përsonit juridik.

Neni 5

Selia e Shoqatës është në Prizren.

Neni 6

Shoqata ka vulën e rrumbullaket, emblemën, llogarinë e saj rrjedhëse-xhirollogarinë, e-mailin dhe Web site. Vula e Shoqatës përmban tekstin e shenuar nga neni 4, në gjuhën shqipe dhe anglishte. Në mesin e vulës duhet të jetë simboli-emblema e shoqatës.

Neni 7

Shoqata mund të themelojë seksione dhe forma të tjera të organizimit në pajtim me nevojat dhe orientimet e veta programore.

Neni 8

Shoqatën e përbëjnë të gjithë anëtarët e anëtarësuar në të. Anëtar i rregullt i Shoqatës mund të jetë çdo mjek që ka përgatitjen ultrasonografike, gjegjësisht, që punon në diagnostikën ultrasonografike dhe është banor i Kosovës. Anëtar nderi i Shoqatës mund të jetë personi, i cili ka kontribuar në shkencë, kulturë dhe ka ndihmuar në zhvillimin e Shoqatës, si në vend ashtu edhe jashtë Kosovës. Anëtar me korrespondencë mund të jenë individët e dalluar profesionalo-shkencorë, të cilët kanë dhënë dhe japin kontribut të çmuar në mbarëvajtjën e Shoqatës, por që nuk jetojnë në Kosovë.

Neni 9

Anëtarët e Shoqatës identifikohen me libreza të anëtarësisë.

Neni 10

Shoqata mund të përjashtojë nga anëtarësia secilin anëtar, i cili nuk i zbaton dispozitat e Statutit, Programit dhe vendimet, të cilat i miraton Kuvendi, Kryesia apo organet e tjera të Shoqatës. Vendimin për përjashtim e merr Gjykata e Nderit me propozim të Kryesisë. Kundër vendimit të Gjykatës së nderit mund të ushtrohet ankesë në Kuvendin e Shoqatës, në afat prej 15 ditesh, prej ditës së marrjes së vendimit.

Neni 11

Kryesia e Shoqatës, mund t'i ndajë mirënjohje, falenderim apo shpërblim të posaçëm atyre të cilët japin kontrbut të rëndësishëm profesionalo-shkencor dhe material.

Neni 12

Organet e Shoqatës janë: Kuvendi, Kryesia, Gjykata e Nderit dhe Këshilli financiar.

Neni 13

Kuvendi i Shoqatës është organi më i lartë i saj dhe e përbëjnë të gjithë mjekët anëtarë të shoqatës. Kuvendi mban mbledhjen e vet të rregullt një herë në dy vjet dhe e thrret kryetari i kuvendit. Mbledhjet e jashtëzakonëshme të Kuvendit mund të thirren edhe më shpesh nga kryetari, si dhe me kërkesë të më së paku 1/3 të anëtarësisë.

Neni 14

Delegatët e Kuvendit zgjidhën me votim të drejtëpërdrejtë të shumicës së anëtarëve të Shoqatës. Vendimet e Kuvendit janë të plotëfuqishme nese për ato votojnë shumica e numrit të përgjithëshëm të delegatëve prezentë. Në punën e Kuvendit marrin pjesë anëtarët e Kryesisë, e sipas nevojës edhe kryetarët e trupave punuese të Shoqatës. Anëtarët e kryesisë dhe anëtarët e trupave kanë të drejtë vote.

Neni 15

Kuvendi i Shoqatës ka këto detyra dhe obligime:

· miraton statutin e Shoqatës dhe bën ndryshimet dhe plotësimet e tij;

· miraton programin e punës;

· zgjedh anëtarët e Kryesisë në mënyrë demokratike me vota të fshehta ose me aklamacion varësishtë si merrët vendimi.

· zgjedh anëtarët e Gjykatës së Nderit.

· vendos për çështje të tjera nga fushëveprimtaria e vet;

 

Neni 16

Kryesia e Shoqatës përbëhet prej 17 anëtarëve, të cilët i zgjedh Kuvendi i Shoqatës, me mandat prej dy vjetësh. Anëtarët e njejtë mund të rizgjidhën.

Kryesia zgjedh kryetarin, tre nënkryetarë dhe dy sekretarë. Zzgjedhja e tyre bëhet me vota të fshehta ose me aklamacion.

Kryetari i Shoqatës është njëkohësisht edhe kryetar i Kryesisë. Kryetari i Shoqatës e përfaqëson Shoqatën para të gjitha instutucioneve dhe organeve në vend dhe jashtë. Në rast mungese të tij, Shoqatën e përfaqëson njëri prej nënkryetarëve të Shoqatës.

Neni 17

Këshilli financiar është organ që përkujdeset për veprimtarinë financiare të shoqatës. Këshilli përbëhet prej tre anëtarëve, të cilet i zgjedh Kryesia e Shoqatës. Zgjedhja e tyre bëhet me vota të fshehta ose me aklamacion.

Neni 18

Mandati i kryetarit, nënkryetarit, sekretarëve dhe këshillit financiar të Shoqatës si dhe trupave të tjerë punues zgjat 2 vjet. Anëtarët e njëjtë mund të rizgjedhen.

Neni 19

Shoqata nxjerrë Revistën profesionalo-shkencore "ULTRATINGULLI NË MJEKËSI", e cila është revistë zyrtare e Shoqatës, por mund të botojë edhe tekste, broshura, reklama etj; me vendimin paraprak të Kryesisë së Shoqatës.

Neni 20

Kryesia e Shoqatës udhëheq me punët e tërësishme të Shoqatës, dhe për punën e vetë i përgjigjet Kuvendit. Ajo bënë zgjedhjen kryeredaktoreve, zëvendës kryeredaktorit, redaktorëve të seksioneve, Këshillit redaktues, Bordit të redaktorëve recensues, të revistës profesionalo-shkencore "ULTRATINGULLI NË MJEKËSI".

Neni 21

Kryesia mund të formojë trupa punues (këshilla ose komisione), nëse për këtë paraqitet nevoja.

Neni 22

Puna e Shoqatës është publike. Përmes organeve dhe trupave të veta ajo komunikon me opinionin me anë të komunikatave, apeleve , dhe formave të tjera të komunikimit publik.

Neni 23

Shoqata organizon "SHKOLLËN E ULTRATINGULLIT", e cila ka per qëllim edukimin e vazhdueshëm të mjekëve në fushën e ultrasonografisë. Kjo shkollë, organizohet çdo vit dhe ka numër të kufizuar të pjesëmarrësve. Mjekët që vijojnë shkollën i nënshtrohen provimit dhe marrin diplomë. Shoqata Shpall konkurs për kandidatët e interesuar. Shoqata organizon edhe seminare, simpoziume, kongrese etj.

Neni 24

Gjykata e Nderit përbëhet nga tre anëtarë. Vendimet e Gjykatës së Nderit janë të obligueshme, nëse votohen nga ana e Kuvendit të Shoqatës.

Neni 25

Shoqata nxjerr Rregulloren e punës, e cila duhet të përputhet me dispozitat e Statutit dhe Programit të Shoqatës. Rregulloret e punës i miraton Kryesia e Shoqatës.

Neni 26

Financimi i Shoqatës bëhet permes pagesave të anëtarësisë nga anëtarët e Shoqatës, donacioneve të ndryshme, botimeve të Shoqatës etj.

Neni 27

Vendimi për pushimin e punës së Shoqatës merret nga Kuvendi i Shoqatës

Neni 28

Ndryshimi dhe plotësimi i Statutit dhe i Programit bëhen në mënyrën sipas së cilës është miratuar. Propozimi për ndyshimin dhe plotësimin e Statutit dhe Programit, të cilin e merr Kryesia, duhet te votohen së paku nga dy të tretat e anëtarëve të Kuvendit ose së paku 51% nga numri i anëtarëve të saj.

Neni 29

Ky Statut hyn në fuqi në ditën e miratimit të tij nga ana e Kuvendit dhe regjistrimit në organe kompetente të UNMIK-ut.

Prizren, më 22.12.2001

KUVENDI THEMELUES